वाडी-वस्त्यांची जातिवाचक नावे बदलण्यासाठी राज्य सरकारचा पुढाकार
Published On : 2 Dec 2020साझा करें:
मंत्रिमंडळाच्या बैठकीत मान्यता मिळण्याची शक्यता
मुंबई : येथील बहुजन समाजाच्या मेंदूवर जातीव्यवस्थेचा पगडा टाकून त्यांना गुलामीत ढकलणार्‍या ब्राम्हणी व्यवस्थेला पोषक असणारी वाडी-वस्त्यांची जातीवाचक नावे हद्दपार करण्याचा निर्णय महाविकास आघाडी सरकारने घेतला आहे. यासंदर्भात शासन निर्णय काढण्यात येणार आहे. त्यामुळे निदान महाराष्ट्रात तरी वस्त्यांना जातीवाचक नावे आता यापुढे काळात दिसणार नाहीत अशा प्रतिक्रिया व्यत होताना दिसत आहेत. सामाजिक न्याय विभागाने या संबंधीचा प्रस्ताव तयार केला आहे. लवकरच त्यास राज्य मंत्रिमंडळाची मान्यता मिळण्याची शक्यता आहे.
राष्ट्रवादी कॉंग्रेसचे अध्यक्ष शरद पवार यांनी काही महिन्यांपूर्वी, वस्त्यांची जातिवाचक नावे योग्य नसल्याचे मत व्यक्क करीत ती रद्द करावीत, असे सांगितले होते. पवार यांच्या त्या भावनेचा आदर करीत सामाजिक न्याय मंत्री धनंजय मुंडे यांच्या सूचनेनुसार त्या संबंधीचा प्रस्ताव विभागाने तयार केला आहे. जातिवाचक नावांमुळे त्या वस्त्या विशिष्ट जातीच्या असल्याचे चटकन लक्षात येते. चांभारपुरा, ब्राह्मण आळी, कुंभार मोहोल्ला, तेलीपुरा, बारीपुरा, सुतार गल्ली आदी वस्त्यांची नावे शहरे आणि गावांमध्ये आजही आहेत. वर्षानुवर्षांच्या जातीप्रथेच्या खाणाखुणा या नावांद्वारे आजही दिसतात. या वस्त्यांची सरकारी रेकॉर्डवरील नावेही तीच आहेत. त्यातून समाजात एकप्रकारची वेगळेपणाची भावना तयार होते. त्याला आता कायमचा छेद दिला जाणार आहे.
त्याऐवजी या वस्त्यांना महापुरुषांची नावे दिली जातील. अर्थात त्यासाठीचा निर्णय घेण्याचा अधिकार स्थानिक स्वराज्य संस्थेस असेल.नगरविकास आणि ग्राम विकास विभागातर्फे त्यासाठीच्या मार्गदर्शक सूचना जारी केल्या जातील. समाजातील जातीपातीच्या रेषा अस्फुट होत असताना विशेषत: राजकारणी लोकांनी आपल्या मतलबासाठी त्या गडद करीत नेल्या अशी टीका नेहमीच केली जाते. मात्र, आता महाराष्ट्रातील राज्यकर्त्यांनी त्याला मूठमाती देण्याची स्वागतार्ह भूमिका घेतल्याचे यावरून दिसते. कॉर्पोरेट क्षेत्र, एनजीओंद्वारे आयोजित परिषदा, परिसंवादांमध्ये सहभागी होणार्‍या प्रतिनिधींच्या नावाच्या पाट्या, त्यांना तेवढ्यापुरते दिली जाणारी ओळखपत्रं यात आडनावांऐवजी नावांचा उल्लेख केला जातो. शासकीय आयोजनांमध्येही तसे केले तर आडनावांवरून जात ओळखू पाहणार्‍या प्रवृत्तींना चाप बसेल. पुरोगामीत्वाच्या दिशेने ते आणखी एक पाऊल ठरू शकेल.
जात नाही ती जात
जगात कुठल्याही देशात माणसाला जात नाही. जाती या जनावरात असतात. परंतु भारतात माणसांमध्ये जाती निर्माण करण्यात आल्या. किमान ६ हजार जातीत येथील बहुजन समाजाला विभागण्यात आले आहे. ब्राम्हणांनी लादलेल्या जाती येथील लोकांनी स्विकारल्याही. जनावरांची व्यवस्था माणसांवर लादली. जातीव्यवस्थेवरच ब्राम्हणाचे अस्तित्व आहे. कारण जात नष्ट झाली तर व्यवस्थाच नष्ट होईल, त्यामुळे ब्राम्हण कधीच जातीव्यवस्थेच्याविरोधात बोलत नाही. याविरोधात आंदोलन करायचे सोडाच, ब्र देखील काढत नाही. महाविकास आघाडी सरकारचा निर्णय स्वागतार्ह आहे. यासाठी त्यांनी शेवटपर्यंत टिकून राहिले पाहिजे.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
