पतंजली पुन्हा वादाच्या भोवर्‍यात
Published On : 23 Feb 2021साझा करें:
WHO च्या नावाने फसवणूक केल्याचा आरोप, कारवाईची मागणी
नवी दिल्ली: बाबा रामदेवची पतंजली पुन्हा एकदा वादाच्या भोवर्‍यात सापडली असून WHO च्या नावाने फसवणूक केल्याचा आरोप केला जात आहे. त्यामुळे बाबा रामदेववर कारवाई करावी अशी मागणी केली जात आहे.
जागतिक आरोग्य संघटनेची ही माहिती पतंजलीने औषध लॉन्च केल्यानंतर दुसर्‍याच दिवशी आली आहे. यात असे दिसून आलंय की WHO च्या सर्टिफिकेशन स्कीमअंतर्गत आयुष मंत्रालयाचे सर्टिफिकेट मिळाले आहे. कोरोना व्हायरसशी लढणारं औषध शोधण्यासाठी जगभरात वेगवेगळे प्रयोग सुरू असतानाच बाबा रामदेव यांच्या ‘पतंजली’ ने कोविड-१९ आजारावर ‘कोरोनिल’ या आयुर्वेदिक औषधाची घोषणा केली होती. अश्‍वगंधा, गुळवेल, श्‍वासारी, तुळशी अशा वनौषधींपासून तयार करण्यात आलेले औषध कोरोनारुग्णांना ठणठणीत बरं करू शकतं, त्याची यशस्वी चाचणीही आपण घेतलीय, असा बाबा रामदेव यांचा दावा होता.
लॉंचिंगपासूनच ‘कोरोनिल’ वादाच्या भोवर्‍यात सापडले आहे. यानंतर आता पुन्हा एकदा पतंजलीचं टेन्शन वाढलं असून Twitter वर बाबा रामदेव यांच्या अटकेची मागणी मोठ्या प्रमाणात केली जात आहे. WHO च्या नावाने फसवणूक केल्याचा आरोप करण्यात येत आहे.
जागतिक आरोग्य संघटनेनं कोरोनाच्या उपचारांसाठी कोणत्याही पारंपारिक उपचारांना परवानगी दिलेली नाही तसंच अशा उपचारांचा दावा करत असलेल्या कोणत्याही संस्थेला सर्टिफिकेट्ही दिलेलं नसल्याचं म्हटलं आहे. जागतिक आरोग्य संघटनेची ही माहिती पतंजलीनं औषध लॉन्च केल्यानंतर दुसर्‍याच दिवशी आली आहे. यात असं दिसून आलंय की WHO च्या सर्टिफिकेशन स्कीमअंतर्गत आयुष मंत्रालयाचे सर्टिफिकेट मिळाले आहे.
जागतिक आरोग्य संघटनेच्या WHO दक्षिण पूर्व एशियाच्या रीजनल अधिकार्‍यांनी आपल्या ट्विटर अकाऊंटवरून ही माहिती दिली आहे. त्यांनी दावा केला आहे की, कोरोनाच्या औषधाचे जागतिक आरोग्य संघटनेकडून सर्टिफिकेशन करण्यात आलेलं नाही.
रामदेव बाबा यांनी अशी घोषणा केली होती की पतंजलीच्या कोरोनिल टॅबलेटमुळे कोविडवर उपचार होतील. आयुष मंत्रालयाने कोरोनिल टॅबलेटला एक सहाय्यक औषध म्हणून मंजुरी दिली. यावेळी कार्यक्रमाला केंद्रीय आरोग्य मंत्री हर्षवर्धन आणि केंद्रीय रस्ते आणि वाहतूक मंत्री नितीन गडकरी देखील उपस्थित होते.जागतिक आरोग्य संघटनेच्या या ट्विटच्या आधारे बाबा रामदेव यांनी फसवणूक केल्याचा आरोप अनेकांनी केला आहे. माजी आयएएस सूर्य प्रताप सिंह यांनी देखील आपल्या ट्विटर अकाऊंटवरून याबाबत एक ट्विट केलं आहे.
सूर्य प्रताप सिंह यांनी बाबा रामदेव यांना WHO च्या नावे खोट्या गोष्टी पसरवण्यासाठी आणि लोकांची दिशाभूल करण्यासाठी दिल्ली पोलीस तुम्ही अटक करणार का? असा सवाल विचारला आहे. तसेच याबाबत कठोर कारवाई करण्यात यावी असं देखील म्हटलं आहे.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
