आत्मनिर्भरतेच्या गप्पा मारताना चीनच भारताचा सर्वांत मोठा व्यापारी भागीदार
Published On : 24 Feb 2021साझा करें:
केंद्रातील भाजपा सरकारची दुटप्पी भूमिका
नवी दिल्ली: सरहद्दीवरून चीनशी वाद घालणार्‍या भारतातील शासक वर्गाने आत्मनिर्भरतेच्या गप्पा मारताना चीनच भारताचा सर्वात मोठा व्यापारी भागीदार असल्याचे समोर येत आहे. त्यामुळे केंद्रातील भाजपा सरकारची भूमिका दुटप्पी असल्याचे दिसून येत आहे. २०२० मध्ये दोन्ही देशांमध्ये ७७.७ अब्ज डॉलरचा व्यापार झाला आहे. चीनने अमेरिकेला मागे टाकत भारताबरोबरील व्यापारात पहिले स्थान मिळविले आहे.
२०१९ या वर्षी अमेरिका हा भारताचा सर्वांत मोठा व्यापारी भागीदार देश होता. त्या वर्षी दोन्ही देशांमध्ये ९०.१ अब्ज डॉलरचा व्यापार झाला होता. मात्र, गेल्या काही वर्षांत चीनबरोबरील व्यापार वाढल्याने २०१७ ते २०२० या चार वर्षाच्या काळात, तीन वेळेस चीन हा भारताचा सर्वांत मोठा व्यापारी भागीदार ठरला आहे.
केंद्र सरकारने गेल्या काही महिन्यांमध्ये अनेक चिनी ऍप्सवर बंदी घातली आहे. चीनमधून येणारी गुंतवणूकही नाकारली आहे. कोरोना काळात ‘आत्मनिर्भर’तेची घोषणा केली गेली. परंतु ही आत्मनिर्भरता केवळ कागदावरच राहणार आहे. मोठमोठ्या घोषणा करायच्या त्यावर कुठलीही अंमलबजावणी होत नसल्याने लोकांना भूलथापा मारण्याचेच काम होत आहे. दरम्यान चिनी बनावटीची अवजड यंत्रे, दूरसंचार उपकरणे आणि घरगुती उपकरणे यावर भारत अद्यापही मोठ्या प्रमाणात अवलंबून आहे. त्यामुळेच चीनबरोबरील व्यापाराचे प्रमाण मोठे आहे. त्यामुळे सरकारची भाषा म्हणजे बोलाचीच कढी आणि बोलाचाच भात अशी आहे.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
