×

शिक्षणाचा ‘विनोद’ आणि बालभारतीची ‘बालबुध्दी’

Published On :    19 Jun 2019
साझा करें:

बालभारतीकडून दुसरीच्या गणिताच्या पुस्तकात अजबच बदल करण्यात आले आहेत. यामुळे गणितातील संख्या वाचन सोपे झाले की कठीण हा प्रश्‍नच आहे. यंदाच्या शैक्षणिक वर्षापासूनच हे बदल करण्यात आले आहेत.



बालभारतीकडून दुसरीच्या गणिताच्या पुस्तकात अजबच बदल करण्यात आले आहेत. यामुळे गणितातील संख्या वाचन सोपे झाले की कठीण हा प्रश्‍नच आहे. यंदाच्या शैक्षणिक वर्षापासूनच हे बदल करण्यात आले आहेत. जोडाक्षर वाचताना विद्यार्थ्यांना अडचण निर्माण होते म्हणून हा बदल करण्यात आल्याचा दावा शिक्षणतज्ज्ञ मंगला नारळीकर यांनी केला आहे. अशा प्रकारे बदल करून बालभारतीने आपल्या ‘बालबुध्दी’चाच परिचय करून दिला आहे. 




विनोद तावडेंनी शिक्षण खाते स्विकारल्यापासून त्यांनी शिक्षणाचाच ‘विनोद’ करून टाकला आहे, एवढे अनपेक्षित निर्णय त्यांनी घेतले आहेत. आता दोन दिवसांपूर्वी आशिष शेलार यांनी या खात्याचा कार्यभार स्विकारला असला तरी याअगोदर ते खाते तावडेंकडे होते म्हणून त्याची जबाबदारी त्यांच्यावरच आहे. म्हणूनच तावडेंकडून शिक्षण खात्याचा कार्यभार काढला तर नसावा ना? अशी शंका घ्यायला वाव आहे.


गणिताच्या मराठी वाचनात यापुढे संख्या वाचन करताना २१ चा उच्चार एकवीस असा नाही तर वीस एक असा करण्यात आला आहे. त्याच प्रमाणे बावीसचा उच्चार वीस दोन, तेवीसचा उच्चार वीस तीन, चोवीसचा उच्चार वीस चार अशा रितीने हे उच्चार करण्यात आले आहेत. एकतीसचा उच्चार तीस एक, बत्तीसचा उच्चार तीस दोन अशा रितीने बदल करण्यात आले आहेत. 


जागतिक आरोग्य संघटनेच्या म्हणण्यानुसार ० ते १२ वर्षापर्यंत बालकांची बुध्दी विकसित होत असते. त्यावेळी बालकांच्या मेंदूवर जास्त ताण पडणार नाही अशा तर्‍हेने अभ्यासक्रमाची आखणी करायला हवी. तरच त्यांची ग्रहणक्षमता वाढीस लागते. परंतु शिक्षणाचा बट्ट्याबोळ कसा करायचा हे ब्राम्हणवादी लोकांकडून शिकायला हवे. शिक्षणाचा अर्थच असा आहे शिक अधिक क्षण. 


क्षणाक्षणाला चांगले शिकणे म्हणजे शिक्षण. परंतु काय चांगले शिकवले जाते हा प्रश्‍नच आहे. ‘जे खर्‍याला खरं आणि खोट्याला खोटं म्हणायला शिकवते ते शिक्षण’ असे राष्ट्रपिता महात्मा ज्योतीराव फुले म्हणाले होते. काय खरंच आजचे शिक्षण फुलेंच्या व्याख्येनुसार शिकवले जाते का? याचे उत्तर नकारार्थी आहे. 


फुलेंच्या शिक्षणाच्या व्याख्येनुसार शिकवले असते तर मुलांनी तर्क केला असता. कुठल्याही विषयावर वैज्ञानिकदृष्ट्या अनुमान कढले असते. परंतु विद्यार्थ्यांना बोजड शिकवले जाते. कारण शिक्षण, विद्यार्थी, शाळा आपल्या असल्या तरी कुठल्या प्रकारे शिक्षण द्यावे याचा अधिकार ब्राम्हणांकडे आहे. त्यांच्या सोयीनुसार ते अभ्यासक्रम निर्धारित करतात. यामुळे विद्यार्थ्यांकडे वैज्ञानिकदृष्टी व चिकीत्सकता येत नाही.


शिक्षणाच्या या गोंधळाविरोधात मध्यंतरी महेश मांजरेकर यांनी ‘शिक्षणाचा आयचा घो’ असा चित्रपट काढला होता. त्या चित्रपटात त्यांनी शिक्षणाची पोलखोल केली होती. शिक्षणाचा पायाच ठिसूळ करण्याचे काम सुरू आहे. परिणामी आज भारतातील एकही विद्यापीठ जागतिक क्रमवारीत पहिल्या शंभरात नाही. तथागत गौतम बुध्द व सम्राट अशोक यांच्या कालखंडात भारतात नालंदा, वल्लभी, विक्रमशीला, जगद्दला, उदांत, पुरी, मैथिली, नदीया, तक्षशीला, उज्जैनसारखी जागतिक दर्जाची विद्यापीठे होती. 


भारत हा जागतिक ज्ञानाचा केंद्रबिंदू होता. त्यामुळे जगातील लोक भारतात शिकायला येत होते. परंतु आज ते शिक्षण ब्राम्हणी व्यवस्थेमुळे लयास गेले आहे. जागतिक दर्जाच्या विद्यापीठांच्या ग्रंथालयांना विदेशी आक्रमणकारी ब्राम्हणांनी आगी लावल्या आणि हे ज्ञानकेंद्र उध्वस्त केले. त्याच ब्राम्हणी व्यवस्थेतील आरएसएस संघटनेच्या मुशीत तयार झालेल्या विनोद तावडे यांनी शिक्षणाचा विनोद करून विद्यार्थ्यांना देशोधडीला लावले आहे. 




तावडे यांनी ८ वीपर्यंत विद्यार्थ्यांना पास करा असाही निर्णय घेतला होता. ८ वीपर्यंत पास करणे म्हणजे बालकांच्या बुध्दीला गंज चढवण्याचा प्रकार होता. कारण अभ्यास न केल्याने त्याची क्षमता लक्षात येत नव्हती. ८ वीपर्यंत ढकलगाडी झाल्याने १० वीला नापास होण्याची टांगती तलवार कायम झाली होती. हा एकप्रकारे बहुजनांना शिक्षणापासून रोखण्याचाच डाव आहे.


१ जानेवारी १८४८ ला पुण्यातील भिडेवाड्यात मुलींची पहिली शाळा काढून राष्ट्रपिता महात्मा ज्योतीराव फुले व माता सावित्रीबाई फुले यांनी भारतात शिक्षणाची दारे खुले करून दिली. १८८२ मध्ये हंटर कमीशनसमोर साक्ष देताना फुले यांनी मोफत व सक्तीचे शिक्षण द्यावे अशी मागणी केली होती. म्हणून आज महिला शिकायला लागल्या. 


ज्या माता सावित्रीने महिलांच्या शिक्षणासाठी कष्ट उपसले त्याच महिला आज काल्पनिक वटसावित्री पुजण्यात धन्यता मानू लागल्या. हीदेखील ब्राम्हणी गुलामगिरी आहे. राष्ट्रपिता महात्मा फुले यांनी चालवलेल्या शैक्षणिक क्रांतीची चळवळ त्यानंतर राजर्षी शाहू महाराज यांनी पुढे नेली. १९१६ साली गरजू, हुशार व बहुजन विद्यार्थ्यांना अर्थसहाय्य केले. 


१८ सप्टेंबर १९१७ ला शाहू महाराजांनी आपल्या करवीर संस्थानात मोफत व सक्तीच्या शिक्षणाचा कायदा पास केला. यापुढे जात विश्‍वरत्न महामानव डॉ.बाबासाहेब आंबेडकर यांनी संविधानात प्रत्येकाच्या सर्वांगिण विकासासाठी सामाजिक व शैक्षणिकदृष्ट्या मागास घटकांना ० ते १४ वर्षापर्यंत मोफत शिक्षण द्यावे अशी तरतूद केली.


२००१ चा सर्व शिक्षा अभियान विद्यार्थ्यांच्या मौलिक हक्क व अधिकाराचे हनन करण्यासाठी अंमलात आणलेली ब्राम्हणी करामत आहे. सरकारने दिमाखात विद्यार्थ्यांसाठी मध्यान्ह भोजनाची सोय केली. त्यामुळे शिक्षकांच्या हातात खडू येण्याऐवजी तांदळातील कचरा साफ करण्याचे कार्य हाती आले. सुट्टीत शाळा सुटण्याचे सत्र असा उपक्रम सर्व शिक्षा अभियानांतर्गत राबवला गेला आणि शिक्षणाचा बट्ट्याबोळ करण्यात आला. 


सरकारी कोट्यातून मिळणार्‍या तांदळाचा हिसाब करण्यातच त्या शिक्षकाचा वेळ गेला. एकंदरीत शिक्षणाची खिचडी करून बहुजन विद्यार्थ्यांना शिक्षणापासून रोखण्याचा ब्राम्हणी डाव यशस्वी झाला.याच सत्रात गळतीचे कारण सांगून शासकीय शाळांचे खासगी शाळात रूपांतर करण्याचे धोरण अवलंबण्यात आले. हेरंब कुलकर्णी यांच्या सल्ल्यानुसार राज्याचे माजी मुख्यमंत्री विलासराव देशमुख यांच्या अनुमतीने ३५ हजार शाळा खासगी करण्यात आल्या. 


आरटीई म्हणजे बहुजन विद्यार्थ्यांना शैक्षणिकदृष्ट्या पंगू बनविण्यासाठीच आखलेली ती कुटनीती होती. विद्यार्थ्यांच्या ८ वीपर्यंत परीक्षाच संपुष्टात आणून त्यांची गुणवत्ता मारण्याचे काम करण्यात आले. आता तर गणित विषय सोपा करण्याऐवजी आणखीनच किचकट करण्यात आला. विद्यार्थ्यांनी त्र्याण्णव म्हणण्याऐवजी नव्वद तीन म्हणणे हे कशाचे लक्षण आहे. प्रत्येक क्षेत्रात घुसखोरी करून जळी स्थळी काष्ठी पाषाणी ब्राम्हणी गुलामगिरी थोपवण्याचे हे काम आहे. विद्यार्थ्यांबरोबर शिक्षकही संभ्रमात पडावेत यासाठीच शिक्षणाची खिचडी करण्यात आली आहे.  

दिलीप बाईत

९२७०९६२६९८



संपर्क करा

आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:

email : news@mulniwasinayak.com

MN News On Facebook

लोक​प्रिय
आमदार फोडण्यासाठी २ कोटी, पेट्रोलपंपाची ऑफर
इराणने अमेरिकेचे १७ हेर पकडले
‘जय श्रीराम’च्या घोषणांची सक्ती करत औरंगाबादमध्ये झोमॅ
‘धार्मिक हिंसाचारातील पीडितांचा संघर्ष मोठा’
पैसा म्हणजे निवडणूक ही परिभाषा बदलायला हवी
शाळेचे दप्तर मागितलं म्हणून बापाने आपल्या दोन मुलांना प
भारताच्या आर्थिक वृध्दीदरात आशियाई विकास बँकेने केली घ
पोट भरण्यासाठी मुंबई गाठणारा मराठी टक्का वाढला
ऐन विधानसभेच्या तोंडावर काढलेली यात्रा काय कामाची?
मुंबईत एमटीएनएलच्या इमारतीला आग
वाचाळ प्रज्ञा ठाकूरला भाजपाने फटकारले
हिमा दासची सोनेरी दौड
२०३० पर्यंत ४० टक्के जनतेची पाण्यासाठी मारामार; देशभरात
सत्तेत असणार्‍यांनी मोर्चा काढायचा नसतो
‘एसटी’ला चांगले दिवस येण्यासाठी शासनात विलीन करा
सहा महिन्यांत १३०० शेतकरी आत्महत्या
महिलांसाठी सुरक्षित असलेल्या देशामध्ये आइसलँड प्रथम तर
विरोधी पक्षातील अनेक आमदार शिवसेनेच्या संपर्कात
उपासमारीमुळे ग्रामस्थांनी गाव काढले विक्रीला!
मुंबई विद्यापीठाचे ११३ परीक्षांचे निकाल रखडलेलेच
COPYRIGHT

All content © Mulniwasi, unless otherwise noted or attributed.


ABOUT US

It is clear from that the lack of representation given to our collective voices over so many issues and not least the failure to uphold the Constitution - that we're facing a crisis not only of leadership, but within the entire system. We have started our “Mulnivasi Nayak“ on web page to expose the exploitation and injustice wherever occurring by the brahminical forces & awaken the downtrodden voiceless & helpless community.

Our Mission

Media is playing important role in democracy. To form an opinion is the primary work in any democracy. Brahmins and Banias have controlled the fourth pillar of the democracy, by which democracy is in danger. We have the mission to save the democracy & to make it well advanced in common masses.

© 2018 Real Voice Media. All Rights Resereved
 e - Newspaper