भूसंपादन विधेयकानंतर कृषी कायद्यात प्रधानमंत्र्यांचा दुसरा पराभव होईल
Published On : 11 Jan 2021 By : MN Staffशेयर करा:
अखिल भारतीय किसान सभेचे सरचिटणीस हन्नान मोला यांची टीका
नवी दिल्ली: आंदोलनकारी शेतकरी संघटना आणि सरकारच्या प्रतिनिधी यांच्यात आतापर्यंत झालेल्या आठ फेर्‍यांमध्ये कुठल्याही प्रकारे तोडगा निघालेला नाही असे अखिल भारतीय किसान सभेचे सरचिटणीस हन्नान मोल्ला यांनी रविवारी प्रधानमंत्री नरेंद्र मोदींचे वैयक्तिक अपयश असल्याचे म्हटले आहे. भूसंपादन विधेयकानंतर या आंदोलनामुळे त्यांचा दुसरा पराभव होईल, असा दावाही त्यांनी केला.
पश्चिम बंगालच्या अल्युबेरिया लोकसभा मतदार संघाचे लोकसभेत आठ वेळा प्रतिनिधित्व करणारे मोल्ला यांनी मागील चर्चा चांगल्या वातावरणातझाल्या नाहीत आणि सरकार शेतकर्‍यांवर कायदे लादण्याचे मनसुबे आखत आहे. कृषी कायदे रद्द होईपर्यंत शेतकर्‍यांचे आंदोलन चालूच राहणार आणि त्यानंतर २६ जानेवारी रोजी प्रजासत्ताक दिनी शेतकर्‍यांची परेड काढण्यात येईल. आतापर्यंत तोडगा काढण्यात सरकारचे अपयश हे केवळ सरकारचे अपयशच नाही तर प्रधानमंत्री मोदींचे वैयक्तिक अपयश देखील आहे.
मोदी जेव्हा प्रथम सत्तेत आले तेव्हा २०१४ मध्ये त्यांनी भूसंपादन अध्यादेश आणला होता आणि त्या विरोधातही शेतकर्‍यांनी तीव्र संघर्ष केला होता. सर्व प्रयत्न करूनही सरकार हे विधेयक संसदेत मंजूर करण्यात अपयशी ठरले. आजही ते विधेयक पडून आहे. मोदींच्या जीवनातील हा पहिला पराभव होता. भूसंपादन विधेयकाविरूद्ध झालेल्या प्रचंड आंदोलनामुळे त्याला प्रथमच आव्हान देण्यात आले. आंदोलन करण्याशिवाय आमच्याकडे दुसरा पर्याय नाही. त्यांचा पहिला पराभव भूमी अधिग्रहण आंदोलनावेळी झाला होता आणि आता त्यांचा दुसरा पराभव होईल. आम्ही लढा देऊ आणि आमचा लढा चालूच ठेवू असा इशारा हन्नान मोल्ला यांनी दिला.
PAY BACK TO THE SOCIETY NATIONWIDE AGITATION FUNDDonate Here
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
