फेक बातमी चालवल्याने ब्राम्हण-बनिया मीडिया पडला उघडा
Published On : 12 Jan 2021 By : MN Staffशेयर करा:
बालाकोट हल्ल्यात ३०० जण मृत्युमुखी पडल्याची फेक बातमी चालवली, बूम वेबसाईटचे वृत्त
नवी दिल्ली: बालाकोट हवाई हल्ल्यात ३०० जण मृत्युमुखी पडल्याची कबुली माजी पाकिस्तानी मुत्सद्दी जफर हिलाली दिली होती असा दावा एएनआय वृत्तसंस्था आणि बहुतांशी वाहिन्यांनी केला होता. बूमच्या अहवालानुसार गेल्या वर्षी डिसेंबरमध्ये पाकिस्तानी वाहिनी हम न्यूजशी बोलताना हिलालच्या व्हिडिओ क्लिपच्या आधारे हा दावा केला जात होता. परंतु ही फेक बातमी चालवल्याने ब्राम्हण-बनिया मीडिया जागतिक स्तरावर उघडा पडला आहे. एएनआयएने आपल्या एका लेखात लिहिले आहे, पाकिस्तानचे माजी मुत्सद्दी जफर हिलाली यांनी कबूल केले आहे की २६ फेब्रुवारी २०१९ रोजी बालाकोट येथे भारताने केलेल्या हल्ल्यामुळे ३०० मृत्यूमुखी पडले. बूम वेबसाईटच्या वृत्ताने ब्राम्हण-बनिया मीडियाचे तोंड काळे झाले आहे.
या बातमीमध्ये एक‘अप्रमाणित व्हिडिओ क्लिप’ वापरली गेली, जी @DfIlite ट्विटर हँडलवर अपलोड केली गेली आणि फुटेजमध्ये छेडछाड केली गेली. विशेष म्हणजे एएनआयचा हीच बातमी इंडिया टुडे, एनडीटीव्ही, एबीपी न्यूज, टाईम्स नाऊ, रिपब्लिक, विन न्यूज, टाइम्स ऑफ इंडिया, लाइव्ह मिंट, द क्ंिवट, डीएनए, लाईव्ह हिंदुस्तान, हिंदुस्तान टाईम्स, झी न्यूज, स्वराज्य, मनीकंट्रोल यांना देण्यात आला. ओडिशा टीव्ही, जागरण, एनई नाउ, डेक्कन हेराल्ड, वन इंडिया, न्यूज १८ आणि नवभारत टाईम्स यांनी चालविली. आम्ही जेव्हा न्यूज चॅनेलवर उपलब्ध असलेला संपूर्ण व्हिडिओ (जो २३ डिसेंबर २०२० रोजी प्रकाशित झाला होता) पाहतो तेव्हा हिलाली ३०० लोकांचा मृत्यू झाल्याच्या बातमीवर ते टीका करत होते.
ते म्हणाले की, फुटबॉलच्या मैदानावर बॉम्ब हल्ला करुन त्यांनी ३०० पाकिस्तानी ठार मारले असा खोटा दावा भारताने केला आहे. भारताने पाकिस्तानकडून ‘सर्जिकल स्ट्राईक किंवा हवाई स्ट्राइक’ या शब्दांच्या वापराच्या प्रश्नावर हिलाली म्हणाले, आपण असे शब्द अजिबात वापरू नये. सर्जिकल स्ट्राइक म्हणजे मर्यादित लक्ष्य. मर्यादित का? तुमचा (भारत) हेतू असा होता की एक मदरसा, जिथे तुमच्या मते ३०० मुले शिकत होती, तिथेच तुम्हाला स्ट्राईक करायचा होता याचा अर्थ असा की आपण ३०० लोकांना मारण्याचा हेतू होता. ते नव्हते, ते चुकीचे होते, ते झाले नाहीत, म्हणूनच आपणाला फुटबॉलच्या मैदानावर जाऊन बॉम्ब फेकला. भारताने जे केले ते युद्धासाठी हल्ले होते.
बूम वेबसाइटच्या वृत्तानुसार, या व्हिडिओमध्ये छेडछाड केली गेली आणि प्रधानमंत्री नरेंद्र मोदी यांच्या छायाचित्रांची भर पडली. जफर हिलाली यांनीही आपल्या ट्विटरवर खरा व्हिडिओ ट्विट करून स्पष्टीकरण देत म्हटले आहे की भारतात प्रसारित होणारा व्हिडिओ योग्य नाही. हिलाली म्हणाले की बालाकोटबद्दल त्यांनी अशी कोणतीही प्रतिक्रिया दिली नाही. अशा प्रकारच्या चुकीच्या बातम्या चालवल्याबद्दलही त्यांनी टाइम्स ऑफ इंडियावर टीका केली.
१४ फेब्रुवारी २०१९ रोजी जम्मू-काश्मीरमधील पुलवामा जिल्ह्यात सीआरपीएफच्या ताफ्यावर झालेल्या आत्मघाती हल्ल्यात ४० सैनिक शहीद झाले होते. यानंतर भारत आणि पाकिस्तानमधील तणाव वाढला. यानंतर, २६ फेब्रुवारी २०१९ रोजी भारतीय हवाई दलाने पाकिस्तानच्या बालाकोट येथे हवाई हल्ला केला. या हल्ल्यात शेकडो अतिरेकी ठार झाल्याचा भारताचा दावा आहे, मात्र पाकिस्तानने मृत्यूची संख्या पूर्णपणे फेटाळून लावली आहे.
PAY BACK TO THE SOCIETY NATIONWIDE AGITATION FUNDDonate Here
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
