उत्तर प्रदेशात लोकांचा उद्रेक
Published On : 20 Jan 2022साझा करें:
प्रचारासाठी आलेल्या भाजपा आमदाराला पिटाळले, मुनव्वरपूरमधील प्रकार
उत्तर प्रदेश: उत्तर प्रदेशात लोकांचा उद्रेक पहायला मिळत असून प्रचारासाठी आलेल्या भाजपा आमदाराला पिटाळून लावले. तो आमदार हात जोडताना दिसत आहे. परंतु लोकांच्या उद्रोकापुढे त्याचे काही चालले नाही. मुनव्वरपूर गावात हा प्रकार घडला आहे. त्यामुळे कृषी कायद्यांविरोधात चाललेल्या आंदोलनाचा फटका उत्तर प्रदेशमधील विधानसभा निवडणुकीत भाजपाला बसणार आहे याचे संकेत मिळू लागले आहेत.
पश्चिम उत्तर प्रदेशातील शेतकरीबहुल भागात भाजपच्या उमेदवाराला स्थानिक लोकांनी अशी वागणूक दिली की, त्याला तेथून परतावे लागले. बुधवारी मुझफ्फरनगरमधील खतौली विधानसभा मतदारसंघातील भाजपचे उमेदवार विक्रम सैनी हे परिसरातील मुनव्वरपूर गावात सभेला पोहोचले होते. यादरम्यान तेथे उपस्थित असलेल्या अनेकांनी त्याला तेथून जाण्यास भाग पाडले.
अनेकांनी या घटनेचा व्हिडिओ बनवून व्हायरल केला. यानंतर तो मीडियामध्ये चर्चेचा विषय बनला होता. व्हिडिओमध्ये तो परतताना स्पष्ट दिसत आहे. व्हिडिओमध्ये जमाव संतप्त होताना दिसत आहे. गावकर्‍यांनी विक्रम सैनीला घेराव घातला, त्यामुळे तणावाचे वातावरण निर्माण झाले. लोकांच्या उद्रेेकापुढे बॉडीगार्ड त्यांना तेथून बाहेर काढतो आणि गाडीत बसवतो आणि तेथून ते निघून जातात.
पश्चिम उत्तर प्रदेशातील बहुतांश लोक शेतकरी आंदोलनात सहभागी झाले होते. यावेळी पश्चिम उत्तर प्रदेशात भाजपला विजयासाठी कडवी झुंज द्यावी लागणार आहे. छत्तीसगडचे मुख्यमंत्री भूपेश बघेल यांनी बुधवारी सत्ताधारी भाजपवर शेतकर्‍यांना दिलेली आश्‍वासने धुडकावत असल्याचा आरोप केला, केंद्रातील नरेंद्र मोदी यांच्या नेतृत्वाखालील भाजपा शेतकरी-कामगार विरोधी आहे असे म्हटले आहे. २८ फेब्रुवारी २०१६ रोजी बरेली येथे झालेल्या सभेत मोदींनी देशातील शेतकर्‍यांना २०२२ पर्यंत शेतकर्‍यांचे उत्पन्न दुप्पट करण्याचे आश्‍वासन दिले होते. स्वामिनाथन समितीच्या शिफारशी लागू करू असेही सांगितले होते. मात्र उत्पन्न दुप्पट झाले नाही, वेदना नक्कीच दुप्पट झाल्या आहेत.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
