बंडखोर आमदारांवर आठवड्याला होणार्‍या खर्चात निघेल गरीबाचं पूर्ण आयुष्य
Published On : 24 Jun 2022साझा करें:
गुवाहाटी येथील हॉटेल रेडिसन ब्लू मधील ७० खोल्यांचं आठवडाभराचं एकत्रित भाडं तब्बल ५८ लाख, खानपानावर दररोज ८ लाख, चार्टर्ड विमानाचा प्रवास खर्च कोट्यवधींच्या घरात
मुंबई : महाराष्ट्रातील राजकीय भूकंपाने सध्या सगळ्यांचंच लक्ष वेधलं आहे. या भुकंपाचं मूळ मात्र गुजरातमधून सुरू झालं. शिवसेनेचे बंडखोर आमदार सुरूवातील गुजरातमधील सूरतमध्ये थांबलेले होते. यानंतर या आमदारांना आसाममधील गुवाहाटी येथील हॉटेल रेडिसन ब्लू मध्ये ठेवण्यात आलं आहे. हे गुवाहाटीमधील पंचतारांकित हॉटेल आहे.
या हॉटेलमधील ७० खोल्यांचं आठवडाभराचं एकत्रित भाडं तब्बल ५८ लाख, खानपानावर दररोज ८ लाख, चार्टर्ड विमानाचा प्रवास खर्च कोट्यवधींच्या घरात आहे. बंडखोर आमदारांवर आठवड्याला होणार्‍या खर्चात एखाद्या गरीबाचं पूर्ण आयुष्य निघू शकतो, एवढी पैशांची उधळपट्टी करण्यात येत आहे. हे सारे कशासाठी तर सत्तेच्या मेव्यासाठी...!
सध्या दररोज अनेक शिवसेना आमदार या हॉटेलमध्ये प्रवेश करताना दिसत आहे. हॉटेलबाहेर आमदारांच्या सुरक्षेसाठी आणि हे आमदार फुटू नये, यासाठी कडक पोलीस बंदोबस्त तैनात करण्यात आलेला आहे. मिळालेल्या माहितीनुसार, रेडिसन ब्लू या पंचतारांकित हॉटेलमधील ७० खोल्या या आमदारांसाठी बुक करण्यात आल्या आहेत.
या खोल्यांचं आठवडाभराचं एकत्रित भाडं तब्बल ५८ लाख रूपये इतकं असल्याची माहिती जाणकारांनी दिली आहे. याशिवाय आमदारांच्या खानपानावर याठिकाणी दररोज ८ लाख रूपये खर्च करण्यात येतात, अशी माहितीही समोर आली आहे. एकंदरीतच आमदारांच्या राहाण्याची सोय, खानपानाचा खर्च आणि चार्टर्ड विमानाने होणार्‍या प्रवासाचा खर्च कोट्यवधींच्या घरात आहे.
या पंचतारांकित हॉटेलमध्ये १९० खोल्या आहेत. १९० पैकी ७० खोल्या शिवसेनेच्या बंडखोर आमदारांसाठी बुक करण्यात आल्या आहेत. या हॉटेलचं व्यवस्थापन सध्या कोणाचंही नवीन बुकिंग घेत नाही. रेडिसन ब्लूचे बॅक्वेट बंद करण्यात आले आहे. सध्या या हॉटेलमध्ये राहात असलेल्यांनाच तिथल्या भोजनकक्षात (रेस्टॉरंटमध्ये) जाण्याची परवानगी आहे.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
