आरएसएस मुख्यालयावरील मोर्चात देशभरातील भिक्खूंना सहभागी करून घेऊ
Published On : 23 Sep 2022साझा करें:
मोर्चाला समर्थन-बोधगयाचे भंते हर्षबोधी यांचे अभिवचन
नागपूर: ६ ऑक्टोबरला आरएसएस मुख्यालयावर मोर्चा काढण्यात येणार आहे, त्यासाठी देशभरातील भिक्खूंना घेऊन त्या मोर्चा सहभागी होऊ, या मोर्चाला आमचे समर्थन असल्याचे बुद्धीस्ट महाबोधी चॅरिटेबल ट्रस्ट, बोधगयाचे भंते हर्षबोधी यांनीही आपली भूमिका स्पष्ट केली. आज पत्रकार परिषदेचे आयोजन करण्यात आले आहे. ज्या विषयांवर ही महारॅली आयोजित करण्यात आली आहे, ती महत्वपूर्ण आहे. मी त्यांचे समर्थन करत आहोत.
विशेष करून बुद्धांच्या वारसास्थळावर आरएसएसचा कब्जा आहे. डॉ.बाबासाहेब आंबेडकरांनी १४ ऑक्टोबर,१९५६ रोजी दीक्षाभूमीवर स्वत: बुद्ध धम्माची दीक्षा घेतली. आपल्या असंख्य लाखो लोकांना बुद्ध धम्माची दीक्षा दिली. पवित्र दीक्षाभूमी सर्व भारतीयांना आदरणीय व वंदनीय आहे. विजयादशमीच्या दिवशी लोक तेथे जातात, श्रद्धेने वंदन करतात आणि तेथून ऊर्जा घेतात. त्या दीक्षाभूमीवर यंदा कार्यक्रम करण्यासाठी आरएसएस-भाजपाद्वारा नियोजन केले जात आहे. त्याचे आम्ही खंडन करू इच्छित आहोत.
जेथे दीक्षाभूमी आहे, तो बुद्धांचा वारसा आहे. तेथे आरएसएस-भाजपाद्वारा कार्यक्रमाचे आयोजन करणे ही बाब उचित आहे का? असा सवाल करतानाच डॉ.बाबासाहेब आंबेडकर स्मारक समितीच्या पदाधिकार्‍यांना मी काही सवाल केले. सकाळ वर्तमानपत्रात त्याची बातमी आली आहे. प्रसिद्धी झालेली आहे. आपल्यासारख्या लोकांनी त्याचे खंडन करायला हवे. आम्हांला माहित नाही असे ते सांगत आहेत. आमचे त्याच्याशी काही देणे-घेणे नाही असे उत्तर देण्यात आले. आपले जर देणे-घेणे नाही तर आपण पत्रकार परिषद घेऊन त्याचे खंडन करायला हवे असे मी त्यांना उत्तर दिले.
बाबासाहेबांची जन्मभूमी महू, बुद्धगया, कुशीनार, सारनाथ असो. जो बुद्धवारसा आहे त्याच्यावर ब्राम्हणांच्या कब्जा आहे. महत्वपूर्ण १२ मुद्यांवर ६ ऑक्टोबरला महारॅलीचे आयोजन करण्यात आले आहे. तेथे लाखोंच्या संख्येने लोक येणार आहेत. आरएसएस मुख्यालयावर हा मोर्चा जाणार आहे. भिक्खू संघाच्या माध्यमातून या महारॅलीचे आम्ही समर्थन करत आहोत. आम्ही भारतातील भिक्खूंना या महारॅलीत सहभागी करून घेणार आहोत. भारतातील लोक आरएसएसपासून भयभीत आहेत.
पाण्यासाठी हत्या होत आहेत. पाणी जर खुले असेल तर हत्या होण्याचे काहीच कारण नाही. त्यामुळे भारतातील लोक सुरक्षित नाहीत. वामन मेश्राम यांनी जे पाऊल उचलले आहे. त्यांच्यासोबत आम्ही सहभागी होणार आहेत. तेथे धम्माची दीक्षा घ्यायची नाही असा दबाव टाकला जात आहे. तेथे जर डॉ.बाबासाहेब आंबेडकरांनी दीक्षा घेतली तर तुम्ही रोखणारे कोण आहात? हे आरएसएस-भाजपा सरकारचे षड्यंत्र आहे. त्याचा आम्ही निषेध व खंडन करत आहोत अशी टीपप्णी भंते हर्षबोधी यांनी केली.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
