ईव्हीएम घोटाळ्यावरील चर्चेला डायव्हर्ट करण्यासाठी केंद्राची नवीन थेरं
Published On : 24 May 2023साझा करें:
जन्म आणि मृत्यूची माहिती मतदार यादीशी जोडण्यासाठी विधेयक आणणार
नवी दिल्ली: ईव्हीएम घोटाळ्यावरील चर्चेला डायव्हर्ट करण्यासाठी केंद्रातील आरएसएस-भाजपा सरकारने नवीन थेरं केली असून जन्म आणि मृत्यूची माहिती मतदार यादीशी जोडण्यासाठी विधेयक आणणार असल्याचे स्पष्ट करण्यात आले. त्यामुळे मतदार यादीतून मतदारांची नावे गायब होण्याच्या प्रकाराला आळा बसणार असल्याचा कांगावा करण्यात आला आहे.
आता मतदार यादीत नाव आपोआप जोडले जाईल आणि काढून टाकले जाणार आहे. निवडणुकीपूर्वी अनेक वेळा मतदार यादीतील अनियमिततेची प्रकरणे समोर येतात. वेगवेगळ्या निवडणुकांदरम्यान मतदार यादीतून लोकांची नावे गायब होतात. याशिवाय काही वेळा मृत व्यक्तींची नावेही मतदार यादीत आढळून येतात. ही समस्या सोडवण्यासाठी केंद्रातील आरएसएस-भाजपा सरकार पाऊल उचलत आहे. जन्म आणि मृत्यूची माहिती मतदार यादीशी जोडण्यासाठी संसदेत विधेयक मांडण्याचा विचार करत आहे. असे केल्यास मतदार यादीतील त्रुटी दूर करता येतील.
जनगणना भवनाच्या उद्घाटनानंतर गृहमंत्री अमित शाह म्हणाले की, जनगणनेच्या डेटावर आधारित नियोजन हे सुनिश्चित करते की विकास सर्वात गरीब गरीबांपर्यंत पोहोचतो. जन्म-मृत्यू दाखल्यांचा डेटा विशेष पद्धतीने जतन केल्यास विकासकामांचे योग्य नियोजन करता येईल. जनगणना ही अशी प्रक्रिया आहे जी विकासाच्या अजेंड्याचा आधार बनू शकते.
केंद्र सरकार संसदेत विधेयक आणण्याच्या तयारीत आहे. यामध्ये मृत्यू व जन्म नोंदणी मतदार यादीशी जोडली जाणार आहे. एखादी व्यक्ती १८ वर्षांची झाल्यावर त्याचे नाव मतदार यादीत आपोआप समाविष्ट होईल. याशिवाय एखाद्या व्यक्तीच्या मृत्यूनंतर त्याची माहिती निवडणूक आयोगाकडे जाईल. त्यानंतर त्या व्यक्तीचे नाव मतदार यादीतून वगळले जाईल. इतकेच नाही तर, जन्म आणि मृत्यू नोंदणी कायदा १९६९ मध्ये सुधारणा करणारे विधेयक ड्रायव्हिंग लायसन्स आणि पासपोर्ट जारी करणे, सरकारी कल्याणकारी योजनांचा लाभ लोकांना देणे इत्यादी बाबींना सुलभ करेल.
ईव्हीएम घोटाळ्याबाबत गृहमंत्री अमित शाह यांचे मौन
ईव्हीएम घोटाळा करून केंद्रात कॉंग्रेस आणि भाजपा सत्तेवर येत आहे. हे भारतातील लोकांना कळले आहे. त्यासाठी भारत मुक्ती मोर्चाचे राष्ट्रीय अध्यक्ष वामन मेश्राम यांनी ईव्हीएम घोटाळ्याबाबत लोकांमध्ये जनजागृती केली आहे. एवढेच नव्हे तर ईव्हीएम भंडाफोड राष्ट्रव्यापी परिवर्तन यात्रा काढून ईव्हीएम फोडण्यासाठी देशभरात १५ लाख लोकांना तयार केले जात आहे. त्यामुळे केंद्रातील केवल आरएसएस-भाजपाचे सरकार हादरले नसून केंद्रीय निवडणूक आयोगालादेखील चिंतेने ग्रासले आहे. जन्म आणि मृत्यूची माहिती मतदार यादीशी जोडण्यासाठी विधेयक आणणार असल्याचे गृहमंत्री शाह यांनी स्पष्ट केले असले तरी ईव्हीएम घोटाळ्याबाबत मात्र त्यांनी मौन बाळगले आहे.
आपल्याकडे असलेली महत्वाची महािती, लेख, ऑडियो, व्हिडीयो तसेच काही सुचना आपण आम्हाला खालील ई-मेल वर पाठवू शकतां.:
email : news@mulniwasinayak.com
